شهدت مدينة الحسكة ارتفاعاً غير مسبوق في حالات التسمم والإسهال، في ظل استمرار معاناة السكان من أزمة المياه.

عدد الحالات ارتفع منذ شهر نيسان الفائت، بحسب الرئيس المشترك لمشفى الشعب في الحسكة، محمد سعيد عبدلله:

"بهديك الفترة بلغ عدد الحالات  616 حالة ومن وقتها ل 25 هالشهر، زادت عدد الحالات لحوالي 1728 ما بين إسهال وتسمم، من بين هالحالات 197 حالة إسهال عند الأطفال، 172 حالة إسهال عند البالغين، بالإضافة ل 169 حالة تسمم عند الأطفال و 1190حالة تسمم عند البالغين".

السبب الرئيس لانتشار حالات التسمم والإسهال في المدينة وفقا للعبدالله يعود لتلوث مياه الشرب.

"العامل الأساسي هوي المي، المي يلي عم يتم توزيعها حاليا بالحسكة ما بتخضع كها للرقابة، ومو معروف مصدرها وإذا كانت نظيفة ولا لا وما بنعرف إذا بيتم تعقيمها أو لا. والناس مجبورة تسخدمها".

مديرية المياه في الحسكة خصصت حوالي عشرين صهريجا لتوزيع المياه على سكان الحسكة.

هذه الصهاريج تخضع للرقابة ويتم تعقيمها قبل توزيعها، وفقا لخلية أزمة المياه في مقاطعة الحسكة.

صعوبة تأمين المياه لكافة سكان المدينة دفعت بخلية الأزمة الى فتح الطريق أمام أصحاب جميع الصهاريج في المدينة  لتوزيع المياه، بحسب عضو الخلية رمضان فتاح.

"إمكانياتنا محدودة وما نقدر نأمن المي لكل الناس، مديرية المي عندا من 15 ل 20 صهريج، هدول بيجيبو المي من مصادر معروفة وبيتم تحليل هالمي، بنفس الوقت في صهاريج مدنية بتبيع المي بيجيبوها من مصادر ثانية وهالمي بتفوت عالمدينة بالليل والنهار والناس بحاجة المي يعني مية هالصهاريج لازم تفوت عالمدينة، من بين هالصهاريج بتفوت صهاريج مو نظيفة كمان".

 مشفى الشعب في الحسكة، حذر من أن  استمرار ازدياد حالات التسمم والإسهال قد يؤدي إلى أمراض مزمنة.

ARTA FM · ازدياد حالات التسمم والإسهال في الحسكة بسبب تلوث مياه الشرب - 31/05/2021